होळकार महाविद्यालयात विविध कार्यक्रम

परभणी (प्रतिनिधी):-  पुण्यश्लोक अहिल्यादेवी होळकर  महाविद्यालयात संस्थेच्या अध्यक्षा श्रीमती मधुमाला शिवाजीराव दळणार यांच्या हस्ते प्रजासत्ताक दिनानिमित्त झेंडावंदन साजरा करण्यात आला आहे. त्यानिमित्ताने विविध कार्यक्रमाचे आयोजन करण्यात आले. या कार्यक्रमाच्या अध्यक्षस्थानी संस्थेच्या अध्यक्षा श्रीमती मधुमाला शिवाजीराव दळणर यांची उपस्थिती होती तर संस्थेचे सचिव तथा युवा नेते कृष्णाभैया शिवाजीराव दळणर, संचालक दिगंबर हाके, रंगनाथ राठोड, प्राचार्य डॉ. कांतराव पोले, मुख्याध्यापक किशन रोडे, क्रीडा निर्देशक विठ्ठल डुमनर यांची उपस्थिती होती. मान्यवरांच्या हस्ते पुण्यश्लोक अहिल्यादेवी होळकर, महात्मा गांधी, संविधानाचे पुस्तक, संस्थापक अध्यक्ष डॉ. शिवाजीराव दळणर यांच्या प्रतिमेचे पूजन करण्यात आले.त्या पूर्वी संगीत विभाग प्रमुख डॉ.दिपाली पांडे यांच्या मार्गदर्शनाखाली विद्यार्थिनीनी देशभक्तीपर गित सादर केले. या वेळी मान्यवरांचा सत्कार करण्यात आला त्यानंतर काव्य लेखनात राज्यस्तरीय निवड रोहिणी रंगनाथ कदम हिची झाल्याबद्दल सत्कार करण्यात आला. त्यानंतर बालचित्र कला स्पर्धेत गीता अंकुश गुडदे, प्रज्ञा देवानंद साळवे, शेख मुस्कान अब्दुल तर बोध परीक्षेत शितल बळीराम पांढरे, शेख रेहान मोहम्मद या विद्यार्थ्यांचा सत्कार मान्यवरांच्या हस्ते करण्यात आला. विशेष कला अध्यापक शिक्षक ए.पी. जोशी यांना विशेष पुरस्कार मिळाल्याबद्दल मान्यवरांच्या हस्ते सत्कार करण्यात आला आहे. यावेळी आनंद नगरीचे उद्घाटनही मान्यवरांच्या हस्ते झाले. या आनंदनगरीला चांगला प्रतिसाद मिळाला. या कार्यक्रमाला  विद्यार्थी व मान्यवरांची भाषणे झाली. या कार्यक्रमाचे सूत्रसंचलन प्रा. अभय पाटील यांनी केले तर आभार डॉ. विजयकुमार सोन्नर यांनी मांनले.या कार्यक्रमाला विद्यार्थी, विद्यार्थिनी,पालक संस्थेचे शिक्षकवृंद मोठ्या संख्येने उपस्थित होते.